John Savio-bálkkašupmi 2017 – evttohasaid árvalit

Vuossárga 06. March 2017
«Same i festdrakt» av John Savio Foto: O. Væring
«Same i festdrakt» av John Savio. Foto: O. Væring

John Savio-bálkkašupmi lea 150 000 ruvnnu ja geigejuvvo nuppi geardde 2017:s. Bálkkašumi lea áigái ožžon Bildende Kunstneres Hjelpefond, ja geigejuvvo ovttas Sámi Dáiddačehpiid Servviin ja Nordnorsk kunstmuseumain. 

 

Bálkkašupmi juolluduvvo dáiddárii guđes lea sámi duogáš ja identitehta ja guhte lea erenoamáš fuomášumi ožžon visuála dáiddasuorggis Norggas, juogo prošeavttaiguin mat leat mearkkašahttin leamaš maŋimuš áiggis dahje ollislaš dáiddalašvuođas geažil. Nationalitehta, ássanbáiki ja searvegullevašvuohta ii mearkkaš maidege, muhto dáiddár guhte vuostái váldá bálkkašumi galgá eanaš leat dahje leat leamaš doaimmas Norggas. Bálkkašumi sáhttá geiget sutnje ge guhte fuomášahtti árjjain lea Norggas ovddidan dáidaga sámi kultuvrra vuođul.

Bálkkašupmi geigejuvvo Nordnorsk kunstmuseumas Romssas. Bálkkašumi vuoiti dáiddalašvuohta/bargu dasa lassin čájehuvvo almmolaččat heivvolaš vugiin musea olis.

 

Juohkehaš guhte háliideš, sáhttá dán bálkkašupmái árvalit evttohasaid. Evttohasat galget leat vuođuštuvvon. Jury sáhttá maiddái ovddidit sierra evttohasaid.  

 

Jurys leat Lena Stenberg, Joar Nango ja Charis Gullickson.

 

Evttohasaid namat sáddejuvvojit deike:

 

Bildende Kunstners Hjelpefond

Kongens gate 2

0153 Oslo

johnsavioprisen2017@kunstfond.no

www.kunstfond.no

 

Áigemearri árvalit evttohasaid lea njukčamánu 31.b. 

 

John Savio-bálkkašumi dievas njuolggadusaid sáhttá lohkat dás www.kunstfond.no.

Andre nyheter

NNKM kåret til Årets Museum 2017!

Duorastat 30. March 2017

Bálddalas duohtavuohta

Gaskavahkku 29. March 2017

Rabasáiggit jagi 2017 beassážiid

Gaskavahkku 22. March 2017

Bures Boahtimisttádet!

Maŋŋebárga 14. March 2017

Viđas čájáhusas

Maŋŋebárga 07. March 2017